മനസ്സിലെ ജീവിതം 

അരികത്തു  നിന്നപ്പോൾ  അറിയാൻ ശ്രമിച്ചില്ല
 നീ യെന്ന വ്യക്തി തൻ സ്നേഹപാത്രം
അകന്നു നീ പോയപ്പോൾ -
                   ഒരു ദിനം കൊണ്ടല്ലോ

അറിഞ്ഞു ഞാൻ നിന്നിലെ സ്നേഹഭാവം .
ഏതേതോ അഹന്ത തൻ ലോകത്തിൽ
                               യാത്ര ചെയ്തെൻ
               മനമെല്ലാം കരിപിടിച്ചീടുന്നു .
പാറ പോൽ  നിന്ന് ഞാൻ നിന്നരികിൽ  എന്നെന്നും -
ഏതേതോ മിഥ്യ വിചാരത്താലല്ലയോ  ...
നിന്നോടോതു നിൽക്കാനോ ...
നിന്നോടൊപ്പം പങ്കിടാൻ -
സമയമില്ലാത്ത പോൽ  അഭിനയിചെന്നും ഞാൻ .
എന്നോടൊപ്പം ജീവിക്കാൻ അത്രമേൽ
    ആശിച്ചു നീ എന്ന കാര്യവും വൈകി  ഞാൻ അറിഞ്ഞുവോ .......
ഓരോരോ ദിനവും പോയി മറയുന്നെന്നും
ഒരിക്കലും തിരിച്ചൊന്നു മടങ്ങുവാനാകാതെ
വൈകി ഞാൻ അറിഞ്ഞു എൻ ജീവിത വഴിയിലെ
അമൂല്യമാം ദിനത്തിന്റെ പ്രാധാന്യമെന്തെന്ന്
ഈയൊരു  നിമിഷത്തിൻ സൌന്ദര്യം -
മനസ്സിലായി വരുന്നൊരു വേളയിൽ --
               മറഞ്ഞങ്ങു പോയി നീ......................................................